İnternetdən pul qazanmaq XI - Veb saytınızdan gəlir qazanın: Forex Satış Ortaqlığı Proqramı

Salam dostlar, uzun zamandır, tam 23 noyabr 2014 tarixindən etibarən bloguma vaxt ayıra bilmirəm. Bu gün 2015-ci ilin ilk mövzusunu yazıram. 

Forex Satış Ortaqlığı Proqramı

Veb sayt sahibləri, sayt idarəçiləri, bloggerlər və digital ticarətçilər, satış ortaqlarına fokuslanmış gəlirli  bir satış ortaqlığı proqramı haqqında ətraflı məlumatı sizlərlə paylaşıram. 

Əgər veb saytınız varsa və əgər bu veb saytınızın trafiki, istifadəçi sayı xeyli yüksəkdirsə niyə də bundan gəlir götürməyəsiz. Normalda hər bir veb sayt sahibinin məqsədi gəlir qazanmaqdır.

GCM Forex`in reklam ortaqlığı proqramı ilə veb saytınızdan, bloglarınızdan və sosial media səifələrinizdən yüksək miqdarda gəlir götürə bilərsiniz.

GCMpartner sizin saytlarınızın içəriyini genişləndirməklə bərabər həmdə sizə gəlir gətirir. 

GCMpartnerin xüsusiyyətləri ilə tanış olaq:

- Daimi ödənişlər: Hər ayın 10-nda ödənişlər bank yolu ilə göndərilir;

-Yüksək CPL faizi. CPL modeli haqqında yaxın zamanlarda məqalə yazılacaqdır. 

- Ödənişsiz üzvük və istifadə imkanları: Siz GCMpartner proqramına qoşulmaq üçün heç bir ödəniş etmirsiz;

-Saytınızın maliyyə və baza vəsaitləri, analiz və məqalə içəriləri təqdim edir;

- Minimum ödəniş 50 ABŞ dolları;

- Yaşadığınız ölkənin milli valyutasına uyğun ödəniş;

- Sürətli hesabatlar;

- İnkişaf etmiş, mətn və banner reklamları

Sizdə GCMpartner satış proqramına qoşulmaq istəyirsinizsə onda aşağıdakı linkə klik edin. 

FOREX GCMPARTNER SATIŞ ORAQLIĞI PROQRAMI

Təşəkkürlər.

Sayta necə daha çox istifadəçi gətirə bilərəm ? SEO Analis

Salam dostlar. Uzun bir fasilədən sonra yenə bir aradayıq. "Kompyuter və İnternet" blogu yeni yazıları ilə qarşınızda olacaq.

Gələk bu gunki mövzuya. Mövzumuz Veb Dizaynerlərə, Veb Managerlərə və ümumilikdə Veb Sayt idarəçilərinədir.

Sayta necə daha çox istifadəçi gətirə bilərəm?

Fikir verək, internetdə gündə neçə milyon insan istifadə edir?. Deməli neçə milyon fikir var,məqsəd, maraq və istək var. Sayt İdarəçiləri zövqə uyğun sayt təklif etməlidirlər. Çox maraqlı və çox gəliz bir işdir.

İstifadəçi axtarış motorları (Google, Yandex,Bing, Rabmler və s.) ilə axtarış etdi . Gəldi səhifənizə. Yaxşı gəldi, lap əcəb elədi. Siz onu məmnun etməlisiz ki, o yenə gəlsin və hətda mümkünsə qeydiyyatdan keçsin və daim saytla maraqlansın. İstifadəçilərin könlünü tutmaq lazım. 

Oxşar nümunə gətirək. Market açmısız, Məhsul satırsız. Alıcı gəldi, siz ona mehriban yanaşmasaz, ona istədiyini vaxtında verməsəz və ona istəmədiyi məhsul satsaz o bir daha bura qayıtmayacaq. 

İnternetdə açılan hər bir veb saytda belədir. Hesab edin internetdə mağaza açmısız. Necə edərsiz ki, müştəriləriniz olsun və daimi olsun.

Sizin yadınıza salıram PitComp.Net saytını. Əgər saytdan istifadə edən dostlarımız varsa bilirlər ki, mən o saytda idarəçi adminlərdən biri idim. Tez-tez SEO-ya, Bloggerə, Ofis Proqramlarına aid dərslər paylaşırdım. Qısa zaman ərzində saytdan 2000-dən çox istifadəçi qeydiyyatdan keçmiş və daimi istifadəçi sayı 500-ü keçmişdi. Bu necə olmuşdu??? 

Bunu düzgün inkişaf strategiyası ilə əldə etmişdik. Saytı tanıtmaqdan əvvəl saytın bazasını yaratdıq. Sonra axtarışa başladıq. İstifadəçilər daha nələrlə sayta gətirə bilərik? Proqramlar, Torrentlər və Proqramlaşdırma dərsləri. 

Onlarıda əlavə etdik və istifadəçi sayımız çoxaldı.

Sizdə öz saytınızı açarkən, əvvəlcə fikirləşin.

1. Mənim bu sahəyə marağım varmı?

2. Mənim burda yazı yazmağa vaxtım varmı?

3. İstifadəçilərin bu sahəyə marağı varmı?

4. Sayt adı necə olsun ki, oda gələcəkdə brend olsun.

5. Saytın istifadəsini istifadəçilərə asanlaşdırın

6. Bazanı qurmadan reklama və kütlə qarşısına çıxmağa çalışmayın.

7. Kütlədən qorxun və qorxunuzu idarə etməyə çalışın

8. Marketingi unutmayın və hər zaman marketing tədqiqatlarından istifadə edin.

9. Kütlənin sizilə əlaqəsini asanlaşdırın.

10. Kütləyə özünüz haqqında müsbət fikir formalaşdırmağa çalışın.

İnternetdən pul qazanmaq yollar (XI yazı)- Tək Adsense hesabına çoxlu Veb Səhifə əlavə etmək

Salam dostlar

Yeni yazımızla qarşınızdayıq.

Mövzumuz tək Adsense hesabına çoxlu veb sayt əlavə etmək.

Bir çox Adsense üzvünü düşündürən bir sual "Mən Adsense hesabıma çoxlu sayda veb səhifə əlavə edə bilərəmmi?"

Hörmətli oxucular, istifadəçilər, qonaqlar və Adsense üzvləri bəli bu mümkündür. Siz tək Adsense hesabına istədiyiniz qədər veb səhifə əlavə edə bilərsiz.  Google Adsense qaydalarını yada salaq, " Birdən çox Adsense hesabı olan üzvün Adsense hesabı ban ediləcək !". Yəni sizin əgər 2 və daha çox veb səhifəniz varsa, bu o demək deyil ki, çoxlu sayda Adsense hesabı açasız. Tək Adsense hesabı yetərlidir ki, istədiyiniz qədər Veb səhifənizi bura əlavə edəsiz. 

Ancaq burda bir nüansı unutmayaq. Əlavə edəcəyiniz sayt(blog) Adsense qaydalarına uyğun olmalıdır və qaydaları pozmamalıdır. Əks halda o saytınıza görə mövcud Adsense hesabınız bağlanacaq.
Əgər əlavə edəcəyiniz ikinci və daha sonrakı saytlar Adsense qaydalarına tam uyğundursa onu əlavə edə bilərsiz. Yox əgər uyğun deyilsə boş yerə risqə girməyə dəyməz.

Əlavə suallarınızı şərhlərdə verə bilərsiz
Növbəti yazılarımızda görüşənədək.

İnternetdən pul qazanmaq (X Yazı) - Google Adsense ödəmələri

Salam dostlar

Bu yazımızda Google Adsense-də üzvlər üçün ən maraqlı hissəsi, pulun bizə necə çatmasını izah edəcəm.

Başlayaq

Deyək ki, Google Adsense hesabınız var, Blogunuzda və ya saytınızda bu reklamları yerləşdirmisiz və Adsense qaydalarına tam riayət edirsiz. Sual yaranacaq, bəs mənə bu pullar necə çatacaq və mən onu necə götürəcəm.

Adsense sizə pulu 2 yolla göndərə bilir. Bu sizin istəyinizə bağlıdır.

Birinci Yol - Hesabı açan zaman Adsense sizdən, Ölkə, rayon, şəhər (kənd), Poçt indeksini və ünvan soruşur. Bu boşuna deyildir. Sizə kargo vasitəsi ilə təxmini 10 -20 USD arası çıxarışla sizin yaşadığınız ünvana göndərir. və yalnız siz imzanızı atdıqdan sonra pulu götürürsüz. Ya evdəkilər, ya valideynlərinizin bu pulu götürməyə hüququ yoxdur və poçt şöbəsi onların götürməsinə icazə verməyəcək. Kargo vasitəsi ilə ünvanınıza Çek göndərilir və gedib Bank-dan pulu çıxara bilərsiz.

İkinci yol - Bank yolu ilə - Qeydiyyatdan sonra siz ödəmələri necə alacaqsız onu qeyd edərək, açdığınız bank hesabının kodunu yazırsınız və heç bir ödəmə edilmədən pulunuz Bank hesabınıza yatırılır və siz gedib Bankdan pulu götürürsüz.

Pulun ödənilməsi əsasən ayın ortalarında olur və Azərbaycana, sizə pul təxmini 7-20 gün arası çatar. Minium ödəniş məbləği səhv eləmirəmsə, 100 USD olmalıdır. 100 USD bitdikdən sonra siz pulunuzun ödənilməsini istəyə bilərsiz.

Əlavə suallarınız yaranarsa, şərhlərdə və ya Facebook səhifəmizdə verə bilərsiz.

Yazımızı sona qədər oxuduğunuz üçün təşəkkürlər

İnternetdən pul qazanmaq (VIII Yazı ) - Google Adsense qaydaları

Salam, Dostlar

Bu yazımızda Google Adsense qaydaları haqqında yazacağıq.

Google Adsense haqqında Azərbaycan dilində məlumat çox azdı. Ancaq Türk dilində müəyyən qədər var. İstifadəçilərdə çalışırlar ki, türk dilində olan məlumatları oxuyub Google Adsense-dən qeydiyyatdan keçsinlər. Bu yazımda Google ADsensenin qaydaları haqqında danışacağıq.

Google Adsense qeydiyyatdan keçməkdən əvvəl sizə Qaydaları oxumağı təklif edir. Hər birimiz saytlarda qeydiyyatdan keçərkən qaydaları oxumadan "razıyam" klikləyir. Ancaq Google ADsense ilə ehtiyyatlı olmaq lazım. 

Google ADsense qaydaları :

1. Saxta klikləmə və göstərmə: Üzvlər, heç bir halda öz reklamlarını özləri klikləyə bilməzlər. klik sayısını artırmaq məqsədilə klikləyə bilməz. Məqsəd nə olur olsun, Adsense saxta klikləri qəbul etmir və üzvlüyünüzü dayandıra bilər.

2. Klikə məcbur etmək: Heç bir halda blogun (saytın) qonağlarına klik üçün məcburiyyət olmamalıdır. Bu istifadəçilərin tam istəkləri ilə olmalıdır. "Bizə dəstək olun!", "Bizə qatılın" kimi etiketlərlə istifadəçiləri klikləməyə məcbur edə bilməzsiz. Yalnızca "Reklamlar" başlığı altınnda yerləşdirə bilərsiz. "Populyar saytlar" ,"Partnyorlar" başlıqları altında reklam yerləşdirə bilməzsiz.

3. Məzmun : Blogunuz (saytınız) mitinglərə, çıxışlara, irqçiliyə, dini ayrıseçkinçiliyə, separatizmə, pornoqrafiyaya aid olmamalıdır. Belə yazılar və ya videolar olduğunda Adsense sizi qəbul etməz.

4. Müəlliflik hüququ : Başqa saytlarda copy+paste etdiyiniz yazılar varsa, icazəsiz məlumatlar varsa, başqalarına məxsus hüquqlardan sui-istifadə edirsinizsə onda Google Adsenseyə yaxın durmayın.

5. Təqlid məhsullar: Hər hansı brendlərinin reklamı ilə Adsense reklamları birlikdə yayımlana bilməz.

6. Yanlış yönləndiricilər : Saytınıza səhv etiket daxil etməyin, bu zaman Adsense üzvlüyünüz ləğv edilə bilər. Məqalələrdə əgər səhv etiket varsa, yanlış bildirişlər varsa Adsense-ə yaxın durmayın.

7. Ziyərtçi qaynağı: İstifadəçiləri, ziyarətçiləri istənilməyən saytlara keçid ediləməz, səhv saytlar verilə bilməz, başqa saytlardan qanunsuz reklamlar qəbul edilmir. Yəni 3-cü bir tərəfin olması Adsense üçün arzuolunmazdır.

8. Qanunsuz yarışlar: Qanunsuz yarışlar keçirilən səhfələrdə Adsense reklamı qəbulolunmazdır.

Digər qaydalar:

İstifadəçilər hər səhfəyə ən azı 3 məqalə olduğunda reklam yerləşdirə bilərsiz. Ölçüsü 300x600 olmalıdır. Və hər səhfəyə maksimum 2-3 reklam qutusu yerləşdirilə bilər.

Google Adsense əsasən, ingilis, fransız, rus və digər avropa dillərində olan saytları tez qəbul edir. Türkdilli saytlarda qəbul edilir. Azərbaycan dilli saytlar təsadüfi hallarda qəbul edilir. 

Növbəti yazımızda Adsense-dən pul necə qazanılır və pul hara gəlir, hansı üsullarla gəlir, və biz o pulu necə ala bilərik onun haqqında danışacağıq.

Blogcu.com -da blog açmaq

Salam. İndi blogcu.com blog saytında blog açmağı öyrədəcəm. Blog açmaq üçün ilk öncə orda nə yazacağını düşünməli və işini sonunadək getməlisən. blogcu.com saytında ilk əvvəl blog açmaq üçün siz e-mail adresi ilə qeydiyyatdan keçməlisiz. Bunun üçün siz Blogcu.com adresinə daxil olursunuz. Orda yuxarı küncdə giriş/kayıt yazılan yerdə kayıt`ı seçirsiniz. Sonra qarşınıza belə bir səhifə gələcək. Orda siz kullanıcı adınızı, şifrənizi , e-poçtunuzu yazırsınız. Güvənlik kodunu yığırsınız və "KULLANICI SÖZLƏŞMƏSİNİ" oxuyub sonra onu işarə edirsiniz. Bu sizin nə vaxt blogdan block ediləcəyinizi göstərir. Daha sonra aşağıda Blog aç düyməsinə daxil olursunuz.

Siz bundan başqa Facebook ile bağlan düyməsi ilə də qeydiyyatdan keçə bilərsiniz.

daha sonra qarşımıza blogunuzun idarə etmə sistemi gəlir. Bir şeyidə unutmayaq, verəcəyiniz Kullanıcı adına diqqət yetirin. O sizin blogunuzun ünvanı olacaq. Məsələn deyək ki, adı qoyduz həyat , blogunuz həyat.blogcu.com kimi olacaq.

Qeydiyyatdan keçdikdən sonra siz Ayarlar menyusuna daxil olaraq, blogunuzun görüntüsünü yarada bilərsiniz. Əgər sizin Veb Dizayn proqramlarından başınız çıxırsa siz öz blog şablonunuzu yarada bilərsiniz. Bunun üçün siz Şablon seç/düzenle menyusuna daxil ola bilərsizin. Statistikanı yoxlamaq üçün İstatistik bölümünə daxil olun. Blogda kateqoriyalar yaratmaq üçün Kateqoriyalar bölümünə daxil olun.

Əziz oxucular əlavə suallarınız olarsa buyurun şərh bölümünə daxil olaraq yaza bilərsiniz. Yaxın günlərdə bütün blog servisləri göstərən saytlarda blog açmağı yazacam

Sual və təklifləriniz üçün

Blog yazarlarının səhvləri və nəticələr

Salam. Bu dəfəki yazım bloggerlərin səhvləri haqqındadır. Blog yazarlarının səvləri nələrdir və onun nəticələri nədir?

İlk öncə gələk blog yazarının səhvləri nələrdir. blogger blogda yazı yazır və başqa bir sayta, bloga keçid verərkən, qazanc məqsədi ilə əlavə link qoyur. 5-6 saniyə o saytdakı reklam gəlir sonra "SKİP" düyməsini basaraq lazım olan sayta keçirsen. və bu zaman vaxt itkisi yaranır.
Bloggerlər keçid saytların linklərini uzadırlar. bu isə istifadəçidə bu blog haqqında mənfi fikirlər formalaşdırır.
Nəticə olaraq isə istifadəçi saytın yüklənməsini gözləməyərək saytdan çıxır.  Bu onların başqa bloggerlərə də mənfi baxmasına gətirib çıxardır.

Bloggerlər əlavə keçid saytlarının sayını azaltsalar, linkləri qısaltsalar, bloglarda əlavə reklam yerlərinin saylarını azaldaraq istifadəçilərin müsbət fikirlərini qazanarlar bu ona daha çox xeyir verər.

Bu arada istifadəçilərində bəzi səhvləri vardır. İnternetdə axtarış zamanı qarşımıza çıxan saytlara giririk.. Yararlı məlumat aldıqdan sonra yorum, şərh yazmadan ayrılırıq. Bunun nəticəsidə görərik ki, bloglar, saytlar bağlandı. Bunun nətisi nədir? - Blog yazarı istəyir ki, oxucunun tələbatı nəyədi. İstifadəçi saytda istədiyini yazmayıb çıxanda blogger oxucusunun istəyini bilmir və məcbur olur bir müddət sonra həmin blogu tərk edir.

İstifadəçilərdən hər bir blogger həmişə şərh gözləyir. Özüdəki şərhlər "hə əladı" ,"gözəl" və s. kimi şablon sözlər yox. Şərhlər bloggerdən nəsə tələb etməlidir ki, blogger işinə məsuliyyətli olsun. Yalan məlumat yazmasın.

Bu qədər istifadəçilərə və bloggerlərə olan iradlarım çoxdur. Vaxt tapdıqca hamısını yazaram...

Sağolun. Blogumuzu izləməyə davam edin. Şərhlərinizi gözləyirəm.